សកម្មភាពរបស់លោកគ្រូ អ្នកគ្រូប្រជុំប្រចាំខែជាមួយគណៈកម្មការគ្រប់គ្រងថ្នាក់រៀន(គ.គ.ថ) នៃសាលាបឋមសិក្សាស្វាយព្រហូត (កម្មវិធីសាលារៀនជំនាន់ថ្មីNGS) ដែលមានគោលបំណងដូចខាងក្រោម៖ ១.បង្ហាញពីតួនាទី របស់គណៈកម្មការគ្រប់គ្រងថ្នាក់រៀន (គ.គ.ថ ) ២.បង្ហាញអំពីលទ្ធផលនៃការសិក្សារៀនសូត្ររបស់សិស្ស ប្រចាំខែ មករា ៣.ផ្សព្វផ្សាយដល់មាតាបិតាសិស្ស ឱ្យជួយជម្រុញសិស្សមានតម្រូវការបន្ថែម ។

កាលពីថ្ងៃទី២៧ ខែ មករា ឆ្នាំ២០២៤ កម្រងស្វាយជ្រំ នៅសាលាបឋមសិក្សាស្វាយព្រហូត បានធ្វើការប្រជុំបច្ចេកទេសប្រចាំខែមករា ក្រោមអធិបតីភាព លោក សោម សំ ជាប្រធានកម្រង សមាសភាពចូលរួម÷ លោកនាយក លោកស្រីនាយិកា លោកនាយករង លោកស្រីនាយិការង លោកគ្រូអ្នកគ្រូ ក្នុងកម្រងទាំងប្រាំពីរសាលា ។

22/01/2024 សាលាបឋមសិក្សាស្វាយព្រហូត និងវិទ្យាល័យគោកព្រីងបានរៀបចំទទួលភ្ញៀវមកទស្សនកិច្ចរបស់ Manner Light over Light ដោយផ្ដោតទៅការពិភាក្សាការងារបច្ចេកទេស ទំនាក់ទំនង និង ការអប់រំបែបស្ទែម ។

សាលាបឋមសិក្សាស្វាយព្រហូតបានរៀបចំពិធីបើកអាហារូបករណ៍សិស្សក្រីក្រលើកទី១ ឆ្នាំសិក្សា២០២៣ _២០២៤ ក្រោមអធិបតីភាព លោកស្រី ប៉ែន ចន្ថា ជាប្រធានការិយាល័យអប់រំយុវជននិងកីឡា និងជាប្រធានគណៈការអាហារូបករណ៍មូលដ្ឋានស្រុកស្វាយជ្រំ ។ សមាសភាពចូលរួមមាន÷ 1.លោកស្រី ប៉ែន ចន្ថា ជាប្រធានការិយាល័យអប់រំយុវជននិងកីឡា និងជាប្រធានគណៈការអាហារូបករណ៍មូលដ្ឋានស្រុកស្វាយជ្រំ ។ 2.កញ្ញា អាង ចន្នី ជាសមាជិកក្រុមប្រឹក្សាឃុំ 3.លោក អ៊ុន ហួត ជាអនុប្រធានគណៈកម្មការអាហារូបករណ៍ 4.លោក នាយក នាយករង សាលាបឋមសិក្សាស្វាយព្រហូត 5.ឪពុក ម្ដាយ និងប្អុនៗសិស្សានុសិស្ស ។